International Nepali Literary Society-Germany

 

Win98 र XP को लागि सर्वोक्तम यूनिकोड नेपाली फोण्ट

"के हो ठूलो जगतमा पसिना, विवेक । उदेश्य के लिनु उडि छुनु चन्द्र एक ।।"

- महाकवि लक्ष्मीप्रसाद देवकोटा

 

स्वागतम्

 




 

न्तर्राष्ट्रिय नेपाली साहित्य समाज जर्मनी च्याप्टरको आधिकारिक वेवर्साईटमा तपाइँलाई हार्दिक स्वागत छ । भाषा, साहित्य, र बाङ्गमयका विविध माध्यमबाट विदेशीएका नेपाली मनको भावना एवं विचारहरू पाठकसमक्ष पुर्‍याउने उदेश्यले जनवरी २००५ मा जर्मनी अन्तर्राष्ट्रिय नेपाली साहित्यसमाजको गठन गरिएको सबैलाई विदितै छ । यसले अमेरिकाको बासिङ्गटन डि.सि.मा रहेको अन्तर्राष्ट्रिय केन्द्रीय कार्यालय अर्न्तगत यूरोपको एउटा सक्रिय हाँगाकोरूपमा रहेर साहित्यिक गतिविधि सञ्चालन गर्दै आईरहेको छ ।

 

संस्था स्थापना भएदेखि हालसम्म यो संस्थाले जर्मनीमा छरिएर रहेका साहित्य र्सजकहरूलाई प्रोत्साहन गरी उनीहरूबाट नेपाली साहित्य सिर्जनामा निरन्तरता कायम राख्न सक्रिय भई लागिरहेको छ । यसै सिलसिलामा गत जुलाई २००५ मा हामीले जर्मनीबाट पहिलो पटक साहित्यिक संगालो लालीगुराँसको प्रकाशन सम्पन्न गरेको कुरा यहाँ स्मरण गर्नु सार्न्दभिक हुनेछ ।

 

विदेशमा बसेर नेपाली भाषामा साहित्यिक पत्रिका प्रकाशन गर्नु ज्यादै कठिन कार्य भएको कुरामा कसैको दुईमत नहोला । तापनि सबैको सामूहिक प्रयास एवं दृढ अठोटमा अनेकन बाधा-अड्चनहरूसंग पौठेजोरी खेल्दै हामीले साहित्यिक संगालो लालीगुराँसको प्रकाशन कार्यलाई सम्भव तुल्याएरै छाड्यौं । पत्रिका प्रकाशन भएपछि शुभेच्छुक पाठकवर्गबाट प्राप्त सकारात्मक प्रतिक्रिया, सुझाव एवं हौसलाबाट अभिप्रेरित भै हामीले उक्त साहित्यिक संगालो लालीगुराँसलाई अनलाईन मार्फत निरन्तरता प्रदान गर्ने निर्णय गरेका छौं ।

 

विश्वमा अहिले सूचना तथा प्रविधिको विकासक्रम चरम बिन्दूमा पुगेको छ । इमेल तथा इन्टरनेट हाम्रो दैनिक अपरिहार्य आवश्यता भैसकेका छन् । यसको उच्चतम विकासले गर्दा संसारभरी भैरहेका विभिन्न घटनाक्रमहरू क्षणभरमै तपाईँ हाम्रो कम्प्यूटर स्क्रीनमा देखापर्छन् । सूचना प्रविधिमा आएको यस किसिमको अभुतपूर्व क्रान्तिले विश्वका हरेक कुना-काप्चा एवं गाउँ-गाँउमा इमेल र इन्टरनेटको प्रयोग ब्यापकरूपमा बढ्दै गैरहेको छ । यसै सिलसिलामा हाम्रो साहित्यिक संगालो लालीगुराँस अनलाईनको पहुँच समेत विश्वका बिभिन्न कुना-काप्चामा छरिएर रहेका सम्पूर्ण  साहित्यानुरागी नेपाली समूदायमाझ ब्यापक बन्दैजाने कुरामा हामी विश्वस्त छौ ।

 

अन्त्यमा, यस लालीगुराँस अनलाईनले कालान्तरमा नेपाली भाषा, साहित्य, र बाङ्गमयको विकासमा धेरथोर योगदान पुर्याउन सक्नेछ भन्ने पूर्ण विश्वासकासाथ यसलाई अझ राम्रो तथा स्तरीय बनाउने कार्यमा शुभेच्छुक पाठकवर्गको निरन्तर सुझाव र सद्भावको हार्दिक अपेक्षा राख्दछौ ।
 


लेखकवर्गमा अनुरोध

साहित्यिक संगालो लालीगुराँस अनलाईनलाई आफ्नो अमूल्य लेख-रचनाहरू

पठाई  सहयोग गर्नुहोस् ।


साहित्यिक संगालो लालीगुराँसको अनलाईन संस्करण पढ्न तल क्लिक गर्नुहोस् ।


अन्तर्राष्ट्रिय नेपाली साहित्य समाज जर्मनीद्वारा गत जुलाई २००५ मा प्रकाशित साहित्यिक संगालो लालीगुराँस (छापा अंक) पढ्न यहाँ क्लिक गर्नुहोस् ।
 





 

 

Copyright © 2006-2007 INLS Germany All Rights Reserved

 

Send comments to Webmaster

 

This Page has been visited download web counters times since October 2005